Кога прв пат ќе ги пробате, нема да престанете да го месите ова тесто.
Потребни состојки:
- 5 дл. топла вода
- 70 гр. млеко во прав
- 12 гр. сув квасец
- 800-900 гр. брашно
- 50 гр. шеќер
- 1.5 лажичка сол
- 80 гр. стопен путер
- 1 јајце
- 50 гр. стопен путер за премачкување
Подготовка:
1. Додадете 1,5 дл. млеко во прав во 5 дл. топла вода, стопете го путерот и дадете го во него. Брашното просејте го во сад, додадете квасец, шеќер, сол, јајце и топла вода со млеко и путер.
2. Замесете го мекото тесто, на крај додадете малку масло и обликувајте го во топчеста форма. Прекријте го садот и ставете го на топло за да нарасне, оставете го околу 50-60 минути, зависно од топлината на местото. Треба тестото да нарасне двојно од својата првична големина.
3. Кога тестото веќе добро нараснало, лесно премесете го на брашнеста површина. Развлечете го на 40x45 сантиметри, премачкајте го со стопениот путер и исечете го на правоаголна големина од 7x15 сантиметри.
4. Секој правоаголник малку растегнете го и замотајте го во ролна и ставете го во голема тепсија обложена со хартија за печење. Малку оттргнете ги едни од други бидејќи тие ќе нараснат.
5. Оставете ги некои 30-на минути на топло место. Додека кифлите се „одморааат“ загрејте ја рерната на 200 степени и печете дваесетина минути или додека не добијат румена боја.
6. Печените кифли извадете ги и премачкајте ги со топол стопен путер и оставете ги малку да се изладат.
Напомена: По желба, кифлите можете да ги правите и со фил, на пример сирење, месо, џем или еурокрем, како и врз нив да ставите сусам.