Потребни ви се само две намирници и ќе ја имате највкусната состојка за колачи и торти.
Веројатно ви се случувало во рецептите да наидете на путер, па доколку го немате при рака, наместо нето да користите маргарин. Повеќе не морате да правите такви компромиси - направете домашен путер и подгответе ги јадењата по оригинален рецепт и вкус кој ќе ве воодушеви.
За подготовка на путерот вам ви е потребна полномасна павлака за готвење и сол по желба. Путерот можете да го подготвите во блендер или во сад со помош на миксер.
Подготовка:
Во блендер или во сад каде потоа ќе употребите миксер ставете ја павлаката за готвење и матете додека не се издвои водата. Притискајте го путерот со лажица, а течноста истурете ја. Во садот ставете ладна вода за да го исперете путерот и потоа продолжете со миксање. Неколку пати повторете го овој процес на миење и мешање на путерот додека водата која ја ставате по матењето не стане бистра. По желба додадете сол.
Вака подготвениот путер чувајте го во фрижидер, а рокот на траење му е околу 15 денови.