Го викаат кескул, а го сакаат затоа што многу брзо се прави, а уште побрзо се јаде. Тој со вкусот потсетува на рафаело топчињата кои нема кој не ги обожава.
Потребни состојки:
- 5 дл. ладно млеко
- 40 гр. кокос + малку за украсување
- 60 гр. брашно
- 80 гр. шеќер
- 1 лажичка ванилин шеќер
- 1 лажица путер
- Малку несолени фстаци и печени лешници за украсување
Подготовка:
1. Во малку поголем сад ставете ладно млеко, кокос, шеќер, ванилин шеќер, лесно додадете брашно и сето тоа добро изматете. Ставете на шпорет да проврие и непрестано мешајте.
2. Кога ќе преврие, додадете путер и мешајте за да се стопи, тргнете од оган и сипете во сад.
3. Прекријте со проѕирна фолија и оставете да се олади неколку часа во фрижидер. Во изладената смеса посипете ситно исецкани несолени фстаци или печени лешници со малку кокос на врвот.
Пријатен апетит.