Кафе барот Scoopi во Дубаи во својата понуда има и десерт под име „Црн Дијамант“, а кој се смета за еден од најскапите сладоледи на светот. Една топка од сладоледот чини 817 долари!
Како и сите останати сладоледи кои се служат овде, и овој сладолед е направен природно, без вештачки состојки. Креаторот на необичниот десерт, индискиот бизнисмен Зубин Доши, тврди дека цената е сосема оправдана ако се земат во предвид неговите состојки: црн тартуф, ирански сафран и прав од 23-каратно злато, кое може да се јади.
- Чудна комбинација, но најскапиот зачин во светот е токму сафранот, а најскапата храна е тартуфот, а очигледно најскапиот метал е златото. Сакав да направам нешто скапо и еве се исплати, изјавил Доши.