Подгответе го омилениот грчки специјалитет во вашата кујна и потсетете се на летото.
Потребни состојки:
- 300 гр. месо по ваш избор
- сок од еден лимон
- 1 лажица сушено нане
- 1 лажица оригано
- 3 лажици маслиново масло
- 2 чешниња лук
- сол и црн пипер
- цацики сос
- кромид
Состојки за пита лепчето:
- 200 гр. брашно
- 100 гр. интегрално брашно
- 2 чаши вода
- 1 лажичка сол
Подготовка:
Месото исечете го на ленти, ставете ги во сад и подгответе ја маринадата. Маслиновото масло се меша со сокот од лимон, се додава суво нане, оригано, сол, бибер и мелениот лук. Прелијте го месото со маринадата и оставете го во фрижидер на неколку часа (по можност во текот на ноќта).
Во сад за правење тесто измешајте го брашното и солта и додадете вода и масло. Тестото добро измесете го и оставете да отстои најмалку половина час. Поделете на 10 топчиња и растегнете го во големина на една тава. Премачкајте го со малку маслиново масло и печете на загреано тефлонско тавче од двете страни да зарумени.
Лепчето премачкајте го со цацики сосот, на него ставете го месото кое претходно сте го испржиле на тафлонска тава и додадете малку ситно исечен кромид и некој друг свеж зеленчук по избор. Послужете со помфрит.