Ви се јаде нешто благо, но сè уште не знаете што? Еве една вкусна и лесна идеја за ролат со мак. Дури и да немате навика да месите, ова е рецепт што лесно ќе можете да го приготвите во својата кујна.
Потребни состојки за тестото:
150 мл. млеко
100 гр. шеќер
1 јајце
прстофат сол
1 квасец
100 гр. путер
400 гр. брашно
Најпрво квасецот ставете го во чаша и посипете го со млекото за да стаса. Кога квасецот ќе нарасне, заедно со сите други состојки замесете меко тесто и оставете го да стаса најмалку 1 час или додека не го зголеми волуменот двојно.
Потребни состојки за филот:
- 150 мл. млеко
- 100 гр. путер
- 150 гр. шеќер
- 250 гр. мак
- 1 лаж. цимет
Сите состојки ставате ги во тенџере на оган да се сварат за да се згусне. Тргнете го на страна и додајте 2 лажици мед.
Кога тестото ќе стаса, поделете го на два дела и секој дел формирајте го во правоаголна кора. Премачкајте ја секоја кора со филот и виткајте во ролат.
Ставете ги двата ролата во тавче обложено со хартија да стасаат, премачкајте ги со 1 јајце и печете ги на 150 степени околу 50-тина минути или додека не добијат убава златно-кафена боја.
Повеќе рецепти од кујната на Давор пронајдете на неговата FB страна Dave’s Kitchen.