Сокот од портокал е на врот на скалата на сокови кои најмногу се консумираат. Покрај тоа што има прекасен вкус, овој популарен напиток е добар и за нашето здравје.
Кога се набројуваат сите предности на овој напиток, се мисли на свежо цедениот портокал, а не на пакуваните сокови набавени од полиците на продавниците. Портокалите се богати со витамин Ц, Б и А, калиум, калциум и растителни влакна.
Последните истражувања на научниците покажуваат дека ова овошје е богато со супстанци кои делуваат антиканцерогено и помагаат во борбата против високиот крвен притисок.
Еве неколку причини зашто треба да пиете сок од портокал:
- Сокот од портокал е богат со витамин Ц, кој помага за зајакнување на имунитот.
- Лицата кои имаат проблеми со висок крвен притисок треба редовно да го консумираат овој напиток бидејќи истиот помага за негово намалување.
- Една од поважните состојки кои во себе ги имаа портокалите е хесперидинот. Истражувањата покажуваат дека истиот позитивно влијае врз кардиоваскуларниот систем и го намалува нивото на холестеролот во крвта.
- Високото ниво на витамин Ц кој се наоѓа во ова овошје делува како антиоксидант. Тоа значи дека редовното пиење на свежо цеден сок од портокал ја спречува појавата на разни болести, меѓу кои е и ракот на дојките и простата.
- Портокалот има и антивоспалителни својства. Тие својства помагаат за ублажување на болки ако имате проблем со артритис, вкочанетост на мускулите и зглобовите.
- Научниците тврдат дека антиоксидансите во потрокалот помагаат за намалување на килограмите. Една чаша дневно позитивно ќе влјае на вашиот метаболизам и ќе го поттикне губењето на масти.
- Ако сте бремени, би било и повеќе од пожелно редовно да го пиете овој сок. Портокалите се извор на фолна киселина која помага за правилен развој на мозокот.
- Исто така, фолната киселина има многу важна улога во репродукцијата на нови клетки, со што се забрзува процесот на лекување од разни заоболувања.