Шакшуката е традиционално јадење кое во разни варијанти се приготвува во Израел, Тунис, а и низ медитеранот. Тоа е совршено за ладните зимски денови. Здраво, вкусно, веганско топло јадење кое лесно и брзо се подготвува.
Полно со протеини и витамини. Ќе ве држи сити долго време, а се подготвува во само 1 поголем или подлабок сад. Тавче или тенџере не е важно. Што би посакале повеќе?
Состојки:
- 1 лажица зејтин
- 5-6 јајца
- ½ главица поголем кромид (ако кромидот е помал употребете го цел)
- 1 чешне лук
- 1 голема пиперка
- 2 конезрви сечкани домати
- 2 лажици паста од домати (може како замена да употребите кечап)
- 1 лажица ким
- 1 лажица црвен пипер
- Сол и бибер по вкус
*можете да додадете и половина лута пиперка ако сакате да биде јадењето луто.
Подготовка:
Исечкајте го ситно на коцки кромидот и пиперките, а многу ситно лукот и пржете го во подлабока тава додека не омекнат. Околу 6-7 минути. (Совет: тука може да додадете и што сакате: печурки на пример... )Посолете и ставете црн пипер, потоа и остатокот од зачините.
Потоа во тавата додадете ги доматите од конзервите и добро промешајте. Намалете ја температурата и оставете да се намали течноста, а потоа ставете цели јајца врз смесата т.е. врз исечканите пиперки и кромид со доматите. Покријте го тавчето (или тенџерето) и оставете јајцата да се зготват 10-12 минути во маринарата. Декорирајте со сецкан магдонос.
Послужете топло.