Правењето торти и не е така тешка задача, но кога треба да ги украсиме најчесто се забележува дали тортата е домашно направена или пак е украсувана од професионалец.
Со малку вештина секој од вас може да ја претвори тортата во слатко задоволство совршено како на вкус, така и на изглед.
Најпрвин поставете ја својата торта на соодветниот сад за служење. По можност изберете тркалезен облик н торта. Откако ќе ја наредите и филувате, можете да пристапите кон подготовка на декорацијата од чоколадо.
Исечете лента од хартија за печење во зависност од тоа колку е висока тортата. Вашата лента треба да биде неколку сантиметри повисока од тоа. Потоа врз неа попрскајте растопено чоколадо како што е прикажано на видеото. Откако чоколадото малку ќе се засуши и ќе го загуби сјајот пристапете кон лепење на лентата врз тортата. Можете да ја оставите да се исуши на собна температура или пак да ја ставите во фрижидер.
Откако чоколадото ќе се стврдне целосно внимателно отстранете ја хартијата за да не го скршите украсот. Доколку ви се случи тоа полека вратете ги деловите чоколадо на тортата. Потоа украсете со јагоди или со било кое друго овошје.