Пивото и скарата се согласуваат совршено не само откако месото е веќе приготвено, туку и во процесот на неговото маринирање.
Затоа во прилог ви откриваме два рецепти за маринада со пиво кои ќе му дадат посебен вкус на месото што го приготвувате, а со тоа и ќе ви го направат јадењето за неколку нивоа подобро од она на што досега сте навикнале.
Маринада со сенф и пиво
Потребни состојки:
- 1 конзерва пиво
- 2 лажици маслиново масло
- 3 лажици сенф
- 20 зрна бибер
- 1 главица кромид
- 1 ловоров лист
- 2 чешниња лук
Подготовка:
Помешајте ги сите состојки освен кромидот во едно. Ставете го месото во сад, врз него исечкајте го кромидот на кругови. Потоа прелијте го сето тоа со маринадата и оставете да дејствува неколку часа. Колку подолго го оставите месото во маринадата толку повеќе ќе поприми од течноста.
Маринада со лимон и пиво
Потребни состојки:
- 1 конзерва пиво
- 1 лимон исечен на кругови
- 1 лажица крупна сол
- 2 лажици масло
- ½ лажица шеќер
Подготовка:
Добро втријте ја солта во лимонот. За најдобар резултат оставете да отстои преку ноќ. Кога ќе сакате да го маринирате месото, прво поминете го со лимонот, па потоа прелијте го со сите преостанати состојки и оставате маринадата да дејствува.