Уште еден лесен и вкусен рецепт со паста приготвен од вештите раце на Давор. Оваа недела на менито се машнички.
Потребни состојки:
- 200 гр. тестенини машнички
- 1 морков
- 1 шолја грашок
- 150 гр кашкавал
- 2 лажици маскарпоне
- Половина главица кромид
- 150 гр. кисела павлака
- Маслиново масло
Начин на подготовка:
Во тенџере на оган се варат тестенините ал денте. Потоа во тава се пржи кромидот, па се додава ситно исецканиот морков и грашокот. Се запржува сè заедно и се додаваат киселата павлака, сварените тестенини, маскарпонето и ренданиот кашкавал. Сето тоа две до три минути на тивко се крчка, а на крајот ако е многу густо се додава од водата од тестенините.
Добар апетит!
Повеќе рецепти од кујната на Давор пронајдете на неговата FB страна Dave’s Kitchen.