По патувањето во Италија, од кујната на Давор денес и во наредните две недели следат рецепти кои се карактеристични за регионот Апулија. Одлична можност да приготвите нешто ново и да ги испробате италијанските специјалитети.
Потребни состојки:
- Листови од трупка
- Парчиња брокула
- 1 чешне лук
- Маслиново масло
- Тестенини orecchiette ( Доколку не најдете ваков тип на паста, може да користите друг)
Начин на подготовка:
Во тенџере на оган во зовриена вода со сол се варат тестенините. Потребно е да ги зготвите 1-2 минути помалку од времето впишано на пакувањето за да бидат al dente.
Во тава на оган се става маслиново масло околу 60 мл да се загрее. Во него се запржува исечканиот лук, парчињата брокула и листовите од трупка. После 2-3 минути готвење со континуирано мешање, се додаваат 2-3 кутлачи од водата во која се вареле тестенините.
Сварените тестенини исцедени претурете ги во тавата со зготвените листови од трупката и добро промешајте. Додадете маслиново масло. Гответе околу 1 минута. Пред да ги тргнете од оган во тавата нарендајте пекорино сирење.Сервирајте во чинија и гарнирајте со рендан пармезан.
Повеќе рецепти од кујната на Давор пронајдете на неговата FB страна Dave’s Kitchen.