Браунис колачите се вкусен десерт. Но, постои и поздрава верзија за да може да се ужива во нив без дополнителна грижа за тоа како десертот би влијаел врз фигурата или здравјето.
Авокадото во овој рецепт е всушност замена за путерот/маргаринот кој оригинално би го употребиле, а кокосовото брашно, замена за бело брашно. Нo,
што е сè потребно за да се направи?
Состојки:
- 1 големо авокадо (зрело)
- 120 грама пире од јаболки
- 120 грама мед
- 1 лажичка ванила екстракт
- 3 големи јајца
- 50 грама кокосово брашно
- 40 грама какао
- 1 прашок за пециво
Подготовка:
Загрејте ја рерната на 180 степени Целзиусови.
Во поголем сад измискајте ја содржината од авокадото, пирето од јаболка, медот и ванила екстрактот.
Додадете ги јајцата едно по едно и мискајте додека смесата не стане хомогена. На крај додадете го кокосовото брашно, какаото и прашокот за пециво.
Промешајте добро и ставете ја смесата во намрсен плех или обложен со хартија за печење. Печете го на веќе загреаната рерна 25-30 минути. Оставете да се олади и исечете на коцки. Добар апетит.