Секојдневно сме бомбардирани од најразлични фотографии од храна кои просто нè тераат да посегнеме по неа, дури и кога не сме гладни. Модерната порно храна е вистинска провокација за нашиот режим на исхрана, но и за целокупното здравје.
Истражувањето спроведено од „Brain and Cognition” покажува дека овој тип на фотографии може да водат до сериозни проблеми со тежината.
-Социјалните медиуми го менуваат начинот на кој нашиот мозок ги прима информациите, вели Андреа Беј, од Bey Health Solutions.
Резултатите од истражувањето покажуваат дека изложувањето на виртуелна храна го активира психолошкиот глад повеќе од вообичаено. Фотографиите од примамлива храна ја зголемуваат потребата за грицкање и ја пореметуваат рутината на јадење.
Кога гледаме совршена фотографија од храна која најчесто е висококалорична, телото испушта хормон кој нè тера да јадеме. Хормонското дејство понекогаш е толку силно што срцето започнува да чука побрзо, се лачи повеќе инсулин, започнува да надоаѓа плунка на устата и слично.
Експертите велат дека наједноставниот начин за да се премости негативниот ефект од фотографиите на храна е да се навлечете на здрава „порно“ или подобро кажано совршено направени фотографии од здрава храна. На овој начин кога ќе посакате да јадете нешто тоа нема да биде хамбургер, туку салата или вкусни смути.