Нема ништо полесно и повкусно од мусака. Разликата од добра, до одлична мусака, несомнено е во зачините и состојките кои што му ги додавате на месото за да го добиете вистинскиот вкус.
Потребни состојки:
- 500 гр. мелено месо
- 1 средна главица кромид
- 1 лажичка мешан сув зеленчук
- 1 лажичка буковец
- 1 лажичка оригано
- 250 мл доматен сос
- 1-2 чешниња лук
- 2 средни компири
- 4 јајца
- 150 мл млеко
Начин на подготовка
Компирите исечете ги на тенки кругови и оставете ги во ладна вода да отстојат додека го подготвувате меленото месо. Во тава на оган испржете ја ситно исецканата главица кромид. Кога ќе почне да добива златно кафена боја додадете го ситно исецканиот лук. Пржете уште две-три минути.Додадете го меленото месо и додадете ги зачините. Добро промешајте и пржете околу 10 минути. Потоа додадете го доматниот сос, промешајте и оставете да крчка на средна температура. На секои 5 минути промешувајте и кога водата ќе испари тогаш тргнете ја смесата за мусака од ринглата.
Во огноотпорен сад наредете еден слој од круговите компири. Врз тој слој од компири додадете ја смесата со меленото месо. Одозгора покријте ја целата површина со уште еден ред од компирите. На крајот промешајте ги млекото и јајцата заедно и полејте ја целата мусака. Печете на 170 степени околу 40-45 минути,додека убаво не нарасне и биде убаво запечена.
Повеќе рецепти од кујната на Давор пронајдете на неговата FB страна Dave’s Kitchen.