Кога приготвуваме месо почесто имаме проблем со зачини или каква маринада да направиме. Речиси сите видови на месо одговараат да се припремаат со маслиново масло, лимонов сок, сол и пипер, лукче, магдонос или босилек. Исто така, може да приготвите и ароматична сол од суви или свежи зачини измешани со крупна морска сол. Се заедно иситнете, измешајте и по вкус додадете чили и суви печурки. Чувајте ја солта во затворена тегла на суво и темно место, а користете ја скоро за секое месо.
За месото да биде посочно и повкусно, неколку часа пред печење, намачкајте го со путер и дадете сечкан магданос, оригано, рузмарин и мајчина дишица. За помеко месо, можете да додадете и парче лимон. За посладок вкус, капнете малку мед.
Свинското месо се приготвува со многу зачини, како што е црвена пиперка, ким и чили, но и лук, рузмарин, мајчина душица, коријандер и ѓумбир. Можете да ги помешате со маслиново масло и лимонов сок. Зачините освен што ќе навлезат длабоко во месото, ќе направат и вкусна кора. Оваа мешавина од зачини е подобра за поголеми парчиња месо, како што се свинските ребра или филе. Вкусен и помалку лут вкус ќе му даде ѓумбирот и каранфилчето. Направете резанки со нож во месото и ставете неколку каранфилчиња заедно со лук и сланина. Исто така мајчината душица има пријатен мирис, но остар вкус, па затоа треба да ја користете внимателно. Овие зачини се совршен прилог за месо, особено за свинско, затоа што ги неутрализираат маснотиите од месото.
Како додаток при подготвување на гускино, овчо или говедско месо, може да употребете суви лисја од жалфија, кои ќе дадат освежувачки мирис и помалку горчлив вкус.
Печеното јагнешко месо може да го премачкате со малку сенф, но претходно печете го со мајчина душица, нане, рузмарин, лук, ким и оригано. Исто така може да додадете и лук, бибер и неколку листови жалфија.
За припрема на пилешкото месо исто така искористете мајчина душица и лимон, како и ловоров лист и бибер, кои длабоко ќе продрат во месото.