Кој не обожава пица? Малите деца и се радуваат, а богами и возрасните. Поради тоа ви претставуваме рецепт на брза пица, која е малку поразлична од стандардната домашна пица и можете да ја направите дури и ако не ви работи рерната, затоа што се пече на ригнла.
Потребни состојки за тестото:
- 2 јајца
- 4 лажици кисела павлака
- 4 лажици мајонез
- 1 лажичка сол
- 18 лажици брашно
- 1/2 прашок за пециво
- 100мл кечап
Помешајте ги јајцата, павлаката, мајонезот и солта. Додајте го брашното и прашокот за печиво и полека месете. Можеби ќе ви биде потребно помалку брашно, во зависност од тоа колку сте ги полнеле лажиците со мајонез и павлака.
Поделете го тестото на четири дела, а секој дел развлечете го во големина колку што е тавата во која ќе ја печете пицата.
Првиот дел ставете го во ладна тава, претходно намачкана со масло. Намачкајте кечап и наредете ги состојките кои ги сакате, а ние предлагаме салама, сирење, кисели краставички и кашакавал. Поклопете ја тавата со капак и печете 15 минути на тивок оган на рингла. Истото направете го и со останатите делови од тестото.
Кога ќе се растопи кашкавалот пицата е готова.
Пријатен апетит!