Едноставна за приготвување, блага и помалку горчлива од темното чоколадо кое го има во неа. Микс на контрадикторности во вкусовите, но вкусна, декадентна и соодветна за сите пригоди.
Состојки:
- 450 грама темно чоколадо (со 70% какао)
- 120 грама путер на собна температура
- 20 грама мелени бадеми
- 1 лажица какао
- 1 лажичка сол
- 1 лажица сварено кафе (еспресо)
- 6 јаца на собна температура
- 4 лажици шеќер во кристали
- 1 лажица рум
- 1 прашок за пециво
- шеќер во прав за декорација
Приготвување:
Пред да започнете со подготовка, загрејте ја рерната на 160 степени Целзиусови.
На пареа (или во микробранова) стопете го чоколадото заедно со путерот, а во стопеното чоколадо додете ги бадемите, какаото, солта и румот. Смесата оставете ја на страна да се олади малку. Во друг сад одделете ги жолчките од белките и жолчките изматете ги со 2 лажици од шеќерот додека не станат воздушести со светло жолта боја.
Во друг сад изматете ги белките додека не добите пенеста смеса како за шлаг со преостанатите 2 лажици од шеќерот и соединетете ги смесите од садот со жолчките во тој со белките. Додадете го стопеното чоколадо, еспресото, солта и прашокот за пециво и добро промешајте па ставете го тестото во намрсено подлабоко тавче и печете на 30-35 минути.
Оладете ја добро тортата и посипете со шеќер во прав.