Можеби не ни помислувате колку некое овошје може да е вкусно ако го ставиме како додаток со некое месо. Познатите готвачи постојано прават интересни комбинации, од кои често гостите ги лижат своите прсти бидејќи јадењето им е толку многу вкусно.
Поради тоа ви претставуваме неколку комбинации, кои сигурно до сега не ви текнало дека може да ги комбинирате.
Боровница и јунешко месо
Ова е специјалитет во Фиренца. Од слатко-киселкастиот вкус на боровницата и балсамико оцет се подготвува густ прелив, кој се прелива врз зготвеното месо.
Јагоди и домати
Можеби ви збучи чудно, но слатките јагоди се одличен пар со доматите за во салати, супи или со брускети.
Маслиново масло и сладолед
Знаевте ли дека маслиновото масло е популарен вкус на сладолед во Италија? Не морате да одите толку далеку за да уживате во оваа комбинација, туку наместо тоа направете сладолед од ванила и попрскајте со малку масло.
Пилешко месо и кока кола
Подгответе го пилешкото месо со кока кола, која му дава додатна лепливост и ќе му го заостри вкусот на месото.
Авокадо и чоколадо
Прво помисливме „бљак“, но потоа се сетивме дека авокадото е полно со здрави маснотии, па претставува фина и кремаста подлога за чоколаден мус, смути или мешавина за мафини.
Темна чоколада и пармезан
Пред да превртите со очи, сетете се дека пармезанот и темното чоколадо имаат јак и помалку горчлив вкус, па затоа добро се мешаат заедно. Растопете ги помеѓу две лепчиња и направете сендвич за кој сите ќе полудат.
Портокал и маслинки
Слаткиот и цитросен вкус на портокалите одлично се совпаѓа со маслинките. Оваа комбинација можете да ја искористите за подготовка на десерт, на пример, за печење на колач од портокал и маслинки.
Јогурт и јајца
Ова се класични намирници за појадок, но ретко кој ги комбинира. Следен пат направете поширани јајца со крем од цврст јогурт.
Манго и чили во прав
Мангото е слатко, егзотично овошје кое со малку чили во прав се претвора во возбудлив додаток за маринади и коктели.
Сланина и путер од кикирики
Сигурно сте слушнале дека се има подобар вкус ако додадете сланина. Путерот од кикирики не е исклучок за ова прашање. Изненадите се самите себе со сендвич од сланина, путер од кикирики и малку банана.