Превкусен рецепт за овој празничен викенд. Ќе ни верувате само доколку го направите бидејќи ова е еден од оние рецепти пред кои никој не може да остане рамнодушен.
Можете да го комбинирате со шпагети или едноставно да го јадете така. Која и опција да ја изберете нема да погрешите.
Потребни состојки:
За ќофтињата
- 3-4 лажици лебни трошки Жито Лукс
- 500 гр. мелено месо
- 1/2 главица кромид ситно исецкана
- 1 јајце
- 1 чешне лук ситно исецкано
- Мешан сув зеленчук
За сосот:
- 700 мл доматен сос или конзерви исечкани домати
- 2 праски од компот ситно исечкани
- Сол и оригано по вкус
Начин на подготовка:
Сите состојки потребни за ќофтињата измешајте ги во еден сад и оставете ги во ладилник смесата да одмори околу 1 час за сите вкусови да се соединат. Потоа формирајте мали округли ќофтиња и запржете ги на врело масло по 2-3 минути од двете страни. Ставете ги на кујнска хартија за да се впие вишокот на мрснотија.
На страна започнете да го приготвувате сосот. Во загреано масло за јадење додадете ги ситно исечканите праски за да се запржат. После 2 минути додадете ги сечканите домати, солта и ориганото. Гответе на средна температура околу 20-тина минути. Доколку смесата ви е премногу густа, додадете малку водичка. Гответе уште 20 минути и додадете ги ќофтињата. Осигурајте се дека огнот не е на многу силно за да не се распаднат ќофтињата.
Повеќе рецепти од кујната на Давор пронајдете на неговата FB страна Dave’s Kitchen.