Ако досега не сте пробале хумус не знаете што пропуштате. Здрав и вкусен, овој намаз е еден од најпопуларните во светот. Наместо да го купувате готов, направете си домашна верзија благодарение на овој едноставен рецепт.
Потребни состојки:
- 800 гр. варен наут
- 120 мл. вода
- 150 мл. тахини (или таан)
- 120 мл цеден сок од лимон
- 2 чешниња лук
- Сол по вкус
- 120 мл маслиново масло
- Исечкан магдонос по вкус
Начин на подготовка:
Во блендер изблендирајте го наутот додека не добиете убава хомогена текстура. Додадете ја водата и повторно блендирајте за да добиете кремаста смеса. Додадете го таанот или тахинито, цедениот сок од лимон, лукот и сол по вкус.
Матете околу 5-10 минути, па додадете го магдоносот и маслиновото масло и матете уште 5 минути. Претурете го хумусот во вашиот омилен сад и декорирајте со малку маслиново масло и наут.
Повеќе рецепти од кујната на Давор пронајдете на неговата FB страна Dave’s Kitchen.