Кој би помислил дека може да приготвите јајца на еден мошне необичен, а подеднакво вкусен начин?
За овој рецепт ќе ви бидат потребни:
- 12 јајца
- 3 лажици мајонез
- 1 лажица оцет
- 2 лажици сенф
- Сол и бибер
Начин на подготовка:
Најпрвин ги одделувате белките од жолчките. Со маталка ги матите белките додека не добиете убава пена, што потоа ја ставате во подмачкана тава или стаклен сад за печење. Го прекривате садот со алуминиумска фолија и печете околу 20-тина минути.
Во меѓувреме од жолчките правите омлет. Го префрлате во блендер и во него ги додавате мајонезот, оцетот, сенфот и сол и бибер по вкус.
Испечените белки ги сечете на коцки, по што филот од жолчки го префрлате во шприц за украсување и на секоја коцка ставате по малку од него.