Храната богата со протеини ни го подобрува метаболизмот, го пролонгира чувството на исполнетост и ја одржува нашата мускулна маса. Токму затоа јајцата кои се богати со многу протеини се омилена храна на луѓето веднаш по вежбање, за побрзо да го доведат телото до посакуваната состојба.
За среќа, јајцата не се единствените продукти богати со протеини. Кои се останатите?
Грашок, 50гр - 6.6гр протеини
Грашокот е богат со протеини, како и магнезиум кој игра голема улога во снабдувањето на енергија и оформување на мускулите. Потрудете се да го консумирате почесто доколку сакате побрзо да го добиете посакуваното тело.
Моцарела и чедар, 30гр - 6.5гр протеини
Овие вкусни сирења може слободно да ги јадете секој ден, бидејќи содржат голема количина на протеини. Исто така богати се со здрави масти, калциум и витамин D.
Црвен грав, 50гр - 7.6гр протеини
Можеби знаете дека гравот е богат извор на влакна, но особено црвениот грав ги надминува тие состојки, бидејќи содржи дури 7.6гр протеини, што е повеќе од едно јајце. Многу луѓе кои имаат проблеми со холестеролот го консумираат често, бидејќи го регулира нивото на холестерол.
Кикирики и путер од кикирики, 7гр протеини
Само две лажици путер од кикирики содржат 8гр протеини, а ако јадете кикирики за да го внесете истото количество на протеини треба да консумирате околу 50гр. Ем вкусни, ем здрави!
Леќа, 50гр - 9гр протеини
Леќата е уште побогата со протеини од црвениот грав, а содржи и влакна кои ви помагаат да ослабете побрзо. Шпанските истражувачи откриле дека луѓето кои консумираат леќа ослабуваат побрзо од оние кои не ја вметнуваат леќата во својата исхрана.
Семки од тиква, 50гр - 9гр протеини
Освен што содржат протеини, семките од тиква содржат магнезиум, фосфор и цинк. Овие состојки се одлични за да имате сјајна кожа, бидејќи ги поправаат оштетените клетки и ги регенерираат новите.
Риба, 50гр – сардела 24гр; туна и лосос 22гр; школки 20гр протеини
Рибата, која има одлично анти-воспалително дејство, го штити мозокот и богата е со омега 3 масни киселини, е одличен избор за внесување на протеини во телото. Може да ја приготвувате на различни начини.
Црвено месо, 50гр – говедско месо 19-31гр, свинско месо 23-25гр, 3 парчиња сланина 8.6гр протеини
Црвеното месо е едно од попознатите извори на протеини покрај јајцата, па потрудете се да го консумирате два пати неделно.