Луѓето кога ќе пробаат нешто вкусно, знаат да го споредат со врвното задоволство предизвикано од сексот. Токму поради тоа уживање, решивме да ви прикажеме рецепт на чоколадна торта со фил од карамела, од која вашиот стомак ќе се „возбуди“ до највисок степен.
Потребни состојки за кората:
- 160гр брашно
- 30гр мелени бадеми
- 30гр какао
- 50гр шеќер
- ¼ лажичка сол
- 120гр путер
- 1 лажичка ванила
- 1 јајце
- 2 лажици ладна вода
Прво направете ја кората на тој начин што ќе ги измешате сите суви состојки, па во нив додадете го ладниот путер исечкан на коцки. Измешајте и додадете ги јајцата, ванилата и водата и повторно мешајте. Оставете ја смесата во фрижидер да постои 30 минути.
Откако ќе се излади, развлечете го тестото со помош на сукало и ставете го во калап за тарт, покријте го со фолија и вратете го во фрижидер уште половина час. Извадете го и направете дупчиња со виљушка, врз него поставете хартија за печење и врз хартијата ставете грав, кој има улога да го задржи тестото цврсто, а потоа печете 15 минути на 180°С. По 15 минути извадете го гравот, па печете уште 15 минути. Оставете да се излади и потоа извадете ја кората од калапот.
Потребни состојки за карамела:
- 300гр шеќер
- ½ шолја вода
- ½ шолја слатка павлака
- 70гр путер
- 1 лажичка сол
Згответе ги шеќерот и водата да добиете карамела. Не мешајте, туку само привремено протресувајте го садот. Кога шеќерот ќе ја добие бојата на карамел, додајте малку од слатката павлака и гответе уште две минути. Тргнете ја од оган, додајте го остатокот од павлаката и малку сол, измешајте и со добиената карамела прелијте го тестото. Оставете да се излади во фрижидер 4-5 часа.
Потребни состојки за преливот:
- ½ шолја слатка павлака
- 120гр црно чоколадо
Помешајте ги овие две состојки и прелијте преку целиот тарт. Оставете да се излади и украсете по желба.