Екс готвачот претворен во водител, Ентони Бордејн е познат по тоа што не внимава што зборува: во јавноста, во своите книги, а и во неговите гастрономско/патеписни емисии како No Reservations и Parts Unknown. Тој е познат и по искрениот пристап на обраќање до фановите, пцовките и саркастичните забелешки, а и критиките кои ги има до различни теми и личности.
Бордејн веќе во неговиот мемоар Kitchen Confidential, а подоцна и во јавното обраќање истакна за една од најчестите грешки кои ги правиме во кујната. Тоа што купуваме професионални и екстремно скапи сет на ножеви.
Според Бордејн, скапите сетови на ножеви кои ги рекламираат на ТВ каналите, но и кои можете да ги најдете во продавниците специјализирани за работи за домаќинство не само што се непотребно скапи, туку и непотребни во целина.
-Се што ви е потребно во кујната е само еден добар и квалитетен нож. Колку од луѓето ќе ги искористат ножевите во сетот? Сите ножеви во сетот? Речиси никој нема да ги искористи, бидејќи вие дома не подготвувате јадења за клиенти како во ресторан. Вие подготвувате брзи јадења откако ќе се вратите од работа. Сè што ви е потребно е само еден добар, квалитетен и наострен нож. Сè друго е непотребно фрлање пари, објасни Бордејн.