Салатите се навистина одличен начин да го одбележите летото, а јадењето на истите ќе направи да бидете најадени со здрави состојки и малку калории.
Салатата со киноа и фета е можеби една од највкусните и најздравите кои ќе ги направите (и пробате) ова лето. Лесно се приготвува и е одличен додаток за вашиот ручек.
Состојки:
- 350 грама киноа (зготвена и оладена)
- 1 поголема краставица исечена на коцки
- ½ црвен кромид
- 60 грама фета сирење издробено
- Неколку гранчиња босилек исечени на тенки парчиња
За италијански сос:
- 3 лажици маслиново масло
- 2 лажици балзамичен оцет
- 1 лажица сок од лимон
- Сол и црн пипер по желба
Подготовка:
Згответе ја киноата според упатството, а потоа и оладете ја на собна температура. Исечкајте ги краставицата и кромидот на коцки, а потоа и босилекот. Во поголем сад додадете ја киноата, а потоа краставицата, кромидот, босилекот и издробеното фета сирење и сите состојки заедно добро измешајте ги. Во помал сад направете го сосот и употребето го како прелив за салатата.
Сервирајте ја добро оладена во фрижидер.