По рецептот за овошниот коктел и капрезе салатата кои ги објавивме минатата недела, следува и рецептот за тартот со јаболка.
Потребни состојки
За тестото:
- 150 гр. брашно
- 1 лажичка шеќер
- 1 лажичка сол
- 125 гр. ладен путер
- 2 лажици студена вода
За филот:
- 3 јаболка ичистени излупени и исецкани на коцки
- 2 лажици шеќер
- 100мл вода
- 1 лажичка цимет
- кора од 1 лимон
За декорацијата:
- 3 јаболки исечкани на тенки листови
Начин на подготовка:
Соединете ги сите состојки и замесете убаво тесто. Завиткајте го во хартија за свежа храна и оставете го во ладилник да одмори околу 30 минути.
За филот, ставете ги сите состојки на оган и гответе додека течноста комплетно не испари. Оставете комплетно да се олади.
Тестото расукајте го и ставете го во тавче за тарт или во било какво округло тавче. Врз тестото ставете го филот и измазнете го со помош на шпатула.
Одозгора редете ситно исечкани листови од јаболка така што ќе започнете од крајот на тавчето и во круг ќе ги редите се додека не дојдете до центарот на тартот, формирајќи роза.
Печете на 200 степени околу 15 минути, а потоа намалете на 170 уште околу 20-тина минути.
Кога ќе биде испечен, тартот премачкајте го со џем од кајсии.
Добар апетит!
Повеќе рецепти од кујната на Давор пронајдете на неговата FB страна Dave’s Kitchen.