При крајот на јули во Лондон ќе се отвори првиот ресторан кај што ќе се служи исклучиво 3D принтана храна, но за старт ќе работи само 3 дена и ќе се служи вечера од 19:30 часот.
Од ресторанот наречен Food In ветуваат дека тие денови ќе се случува вистинска кулинарска револуција и сите кои ќе присуствуваат ќе имаат уникатно гурманско искуство, каде што храната ќе се меша со уметноста, философијата и технологиите на иднината.
3D „прехраната“ ќе чини околу 330$ за 9 порции, а целото искуство ќе биде во живо стримувано на интернет. Инаку, не само што храната ќе биде 3D принтана, туку и приборот за јадење, масите и столовите.
Задолжени за креирање на менито ќе бидат врвните готвачи Antony Dobrzensky и Marcio Barradas од познатиот La Boscana ресторант, кои велат дека првата порција ќе доаѓа во „комплет“ со сет за виртуелна реалност, што ќе треба на посетителите да им обезбеди извонреден и возбудлив поглед кон иднината.