Светски познатите нутриционисти и луѓето кои имале проблем со дебелината честопати потенцираат дека најдобрата диета со која се губат најголем број на килограми за кратко време, несомнено е Американската диета.
Оние кои веќе ја испробале оваа диета велат дека предноста на истата е во тоа што нема да бидете гладни, а ќе топите масни наслаги.
Со диетата се почнува во понеделник и во првите 6 дена губите 5 килограми. Па така во рок од 24 дена може да загубите и до 20 килограми. Доколку сакате вакви резултати, треба да бидете мошне дисциплинирани и строго да се држите до правилата.
Дозволени намирници
Сите типови месо – јунешко, пилешко, телешко, свинско, јагнешко, гуска, патка подготвени на сите начини освен похувани. Може да се јаде скара, димено месо, колбаси, но не и виршли.
Сите видови риба – морска риба, слатководна риба и рибни конзерви.
Сите видови на салата – свежа зелена салата, салата од јајца, свежи или печени пиперки, домати, краставици, свежа или кисела зелка, цвекло, салата од морски плодови, спанаќ салата...Сите салати можете да јадете со масло, оцет, бибер и слично.
Сите видови на зеленчук – карфиол, блитва, кромид, кељ, зелка, шпаргли, артичока, домат, морков, целер, брокули
Пијалаци – минерална вода, обична вода, црно кафе, сите видови на чај без шеќер. По шестиот ден дозволено е да пиете малку бело вино и лимонада.
Забранети намирници
Јагленхидрати - леб, компир, брашно, грав, ориз, грашок, презла, похувана храна, тестенини, кикирики, лешници, бадеми.
Млечни производи и благо – млеко, путер, кисела и слатка павлака, јогурт, кефир, млечни и овошни пудинзи, маргарин, шлаг, слатки, шеќер, чоколадо, сладолед, сирење, овошје
Совет плус: Внесувајте витамини
Бидејќи во храната што е забранета се наоѓаат определени витамини и минерали, телото за време на диетата може да покаже недостаток од истите.
Затоа уште од првиот ден од кога ќе започнете да ја спроведувате диетата треба да внесувате дополнителни витамини C и D, како и калциум, магнезиум и цинк.