Свежите зачини се совршениот додаток на секое јадење. Без разлика дали е тоа неделниот ручек или едноставна салата како додаток, свежите билки се фантастични, вкусни и ароматични.
Но, како да го „продолжите“ нивниот рок на траење и да ги имате во свежа состојба во секое време? Со малку напор и подготовка тие ќе ви бидат на дофат во секое време и за секое јадење.
Се што ви е потребно е нож, калап за коцки мраз и маслиново масло.
Посакуваните зачини (оригано, рузмарин, нане, босилек) исечете ги во посакуваната големина (за да влезат во калапот) а потоа во него посипете од маслиновото масло.
Калапите со зачините и маслото ставете ги во фрижидер за длабоко замрзнување и употребете ги секој пат кога ќе посакате.
