Точното име на овој десерт е Brownie cakelets: микс на брауни и колач кој иако е на границата на дефиницијата, ги надминува границите на декаденција и вкус.
За нивната подготовка ви е потребен калап за правење на мафини. Состојките се речиси минимални, а во исто време богати во вкус.
Состојки:
- 200 грама чоколадо (со 70% какао)
- 200 грама несолен путер
- 200 грама шеќер
- 4 големи јајца на собна температура
- 20 грама брашно (или околу 3 лажици брашно)
- ¼ лажичка сол
- ¼ лажичка прашок за пециво
Подготовка:
Најпрво загрејте ја рерната на 180 степени Целзиусови.
Во подлабок сад стопете ги путерот и чоколадото на пареа, а откако целосно ќе се стопат додадете ги шеќерот и солта. Мешајте додека шеќерот не се стопи и смесата не се олади доволно за да можете да ги додадете јајцата. Едно по едно додадете ги во смесата, а на крајот додадете го брашното и прашокот за пециво.
Добро промешајте и од смесата ставете во калапите за мафини.
Печете ги на 180 степени Целзиусови 25-30 минути.