Сега е времето на смоквите, кои се благи и превкусни за јадење. Кај нас се одгледуваат со векови, а многумина освен што ги консумираат свежи, од нив прават слатко, мармалад и ги сушат со цел да ги јадат во текот на целата година.
Зошто е толку здраво да се јадат смокви?
Го намалуваат крвниот притисок
Смоквите се одличен извор на калиум кој помага при намалување и регулација на крвниот притисок. Овој минерал е слабо достапен во храната, а истовремено и неопходен во денешно време кога голем број на луѓе патат поради неговото намалување поради зголемена консумација на сол.
Помагаат при слабеење
Ова сочно овошје е добар извор на прехранбени влакна, кои го подобруваат варењето на храната и ве прават сити подолго време, па така помагаат и при слабеење. Во 100гр свежи смокви има само 74 калории.
Клуч за добро расположение
Смоквите содржат значајно количество на витамин Б, кој на телото му дава енергија, осигурува еластичност на кожата и јачина на мускулите. Исто така влијае и врз работата на мозокот и го подобрува расположението.
Го намалуваат нивото на шеќер во крвта
Не треба да избегнувате да ги јадете и лушпите на смоквите. Тие имаат анти-дијабетички карактеристики, односно го намалуваат нивото на шеќер во крвта. Некои студии покажале дека се од голема помош при регулација на шеќерот кај личности кои патат од дијабетес тип 1.
Помага при брадавици
Во народната медицина, смоквите се сметаат за лек при проблеми со израстоци на кожата како што се брадавиците. Доволно е половина свежа смоква да ја ставите на проблематичното место на кожата и така да преспиете. Кога ќе станете измијте го местото со жешка вода. Потоа полесно ќе може да ја отстраните брадавицата. Во потешки случаи, повторете ја постапката и до 5 пати.
Совет плус: Свежите смокви брзо се расипуваат, па треба да ги јадете веднаш по купувањето. Во фрижидер може да издржат и до 3 дена, па најдобро е да ги избирате оние со сјајна и мазна лушпа без оштетувања.