Овие кифлички се супер декоративни и вкусни, па сигурно нема да погрешите доколку им ги подготвите на своите најмили.
Потребни состојки:
- 3 чаши брашно
- 1 чаша млеко
- 3 лажици шеќер
- 3 лажици масло за јадење
- прстофат сол
- 1 ванилин шеќер
- 1/2 свеж квасец (20 гр. свеж квасец, или 1 1/2 лажиче сув квасец)
*чашата е од 200мл
Начин на подготовка:
Од сите состојки се замесува тесто. Се остава малку да одмори околу 20-30 минути додека нарасне. Се дели на 12 еднакви топчиња и од нив се расукуваат округли мали кори. Секоја кора се премачкува со малку мармалад (или доколку користите слатко од вишни или пак некое друго овошје, премачкајте го со течноста од слаткото).
Од кората се формира топче така што мармаладот (течноста од слаткото) ќе биде во внатрешноста на топчето. Се притиска нежно на работната површина и се сече на 8 еднакви делови (оставајќи го центарот не пресечен така што сите краци ќе се држат на тој дел) и секој крак се врти така што филот ќе се гледа од секоја осмина.
Се оставаат да стасаат околу 20-тина минути. Потоа ги премачкувате со јајце и ги печете на 170 степени околу 20-25 минути додека не добијат убава златна боја.
Повеќе рецепти од кујната на Давор пронајдете на неговата FB страна, Dave’s Kitchen.