Летото полека но сигурно доаѓа до самиот крај. Со крајот на летото, доаѓа и крајот на прекрасното овошје кое веќе навикнавме да го јадеме, односно дињи, праски, лубеници и кајсии.
Додека има уште летно овошје, искористете го да го направите еден од највкусните десерти. Се што ви е потребно е овошје и чоколадо, а за декорација слободно искористете имагинацијата.
Потребни состојки:
- 350 грама чоколадо (млечно чоколадо)
- 1 средна лубеница исечена на мали триаголници
- 2 лажици масл
- мрвици, кокос, сечкани ореви, бадеми или лешници
Подготовка:
Парчињата лубеница ставете ги на послужавник, а потоа еден час во фрижидер за длабоко замрзнување за да стегнат. Овој потег е важен ако сакате стопеното чоколадо да се зелепи подобро врз лубеницата.
На пареа или во микробранова стопете го чоколадото и додадете 2 лажици масло за да стане потечна смесата. Извадете ги парчињата лубеница од фрижидер и врвот од парчето потопете го во стопеното чоколадо. Посипете го секое парче со мрвици, кокос или јаткасти плодови.
Сервирајте откако чоколадото ќе стегне.