Истражувачите од компанијата Perfect Day (поранешна Muufri) се блиску до претставување на пазарот на првиот млечен продукт создаден во лабораторија, кој ќе има изглед и вкус идентичен со вистинското млеко, но во неговото производство воопшто нема да бидат вклучени животните.
За разлика од сегашните замени за млеко кои се базирани на соја, бадеми или ориз, овој нов продукт ќе биде направен од млечни протеини. Но, наместо да доаѓаат од крави, тие ќе бидат произведени од квасец, правејќи го млекото веганско и без лактоза.
Овој нов продукт постојано се усовршува уште од 2014-та, а компанијата се надева дека веќе наредната година на пазарот ќе претстави нова линија на сирења, јогурти и млека.
За негово производство, тимот истражувачи креирале генетски модифициран вид на квасец кој може шеќерот да го претвора во млечен протеин познат како казеин, преку процес кој е сличен како оној за домашно производство на пиво, кој меѓу другото се користи и за производство на работи како инсулин или биогорива.
Потоа, вака произведените млечни протеини се додаваат на микс од масла и шеќери од билки (значи без холестерол и лактоза), на што се додаваат и разни минерали и витамини кои вообичаено се наоѓаат во млекото од крава.
Цената на овие производи се очекува да биде скоро идентична како и на оние произведени од вистинско, кравјо млеко.