Смоквите се овошјето кое треба да го конзумирате оваа есен. Без разлика дали е тоа во свежа и необработена состојба или во десерти, смоквите се богати со диетални влакна и во 100 грама содржат само 74 калории.
Но тие се особено вкусни за појадок, а нашиот предлог за еден вкусен појадок кој ќе можете да го подготвите од претходната вечер е овесната каша со смокви. Тој ќе го направи утрото брзо и енергично особено ако сабајлето не можете да си дозволите да го потрошите на подготвување.
Состојки:
- 2 шолји овес
- 2 шолји засладено млеко (со стивија или кафеав шеќер)
- 1 лажичка ванила екстракт
- 1 лажица чија семе
- 4-5 смокви
- 3-4 урми без семки (по желба)
- Можете да ставите и сецкани ореви или бадеми...
Подготовка:
Најпрво исчекајте ги смоквите на четвртинки и урмите на половинки. Во подлабок сад ставете го овесот и чија семето и ставете го на страна. Во подлабоко тенџере ставете го млекото, ванила екстрактот и варете додека не дојде до точка на вриење. Посипете ги врз овесот и чија семето промешајте и поклопете го садот па ставете го во фрижидер.
Сабајле само додадете ги смоквите, урмите и јаткастото овошје.
