Дури и оние кои внимаваат на исхраната и вежбаат, сакаат понекогаш да се наградат со некое слатко задоволство. Токму протеинските палачинки се нивен чест десерт, кои нема да ви приредат грижа на совест, како што тоа го прави чоколадото.
За пет палачинки потребни ви се:
- 400гр овес
- 3 ½ лажици протеини по ваш избор
- 1 банана
- 70гр немасно свежо сирење
- 60мл млеко по избор
- 2 белки
- ½ лажичка екстракт од ванила
- ½ лажичка сода бикарбонат
- Цимет
Начин на подготовка:
Бананите исечкајте ги и заедно со другите состојки ставете ги во блендер. Добро измиксајте, а ако сметате дека смесата е густа, додадете уште лажичка млеко или пак вода. Ставете малку масло на тава за да не се залепат при пржењето. Пржете ги на стандарден начин како што се пржат сите палачинки, додека не добијат златна боја.
Може да ги јадите со мед, путер од кикирики или со овошје.