Моментално мошне популарна е магичната торта, која ги освојува светски познатите готвачи кои се трудат да ја направат беспрекорно. Иако станува збор за торта со стандардни состојки, магијата доаѓа кога ќе ја извадите од рерна во три слоја.
Некои ја прават според стандардниот рецепт, а други пак додаваат чоколадо.
Потребни состојки:
- 4 јајца (одделете ги жолчките од белките)
- 1 лажичка екстракт од ванила
- 150гр шеќер
- 125гр растопен путер
- 115гр брашно
- 500мл млеко
- Шеќер во прав или овошје
Доколку сакате да ја направите чоколадната варијанта, додадете уште 43гр какао и 2 лажички еспресо или некое јако кафе.
Начин на подготовка:
Загрејте ја рерната на 150°С. Растопете го путерот и оставете го да излади на собна температура, а потоа стоплете го малку млекото.
Истурете ги белките од јајцата во посебен сад.
Во друг сад, измешајте ги со миксер жолчките од јајцата со шеќерот, а потоа додадете го путерот и екстрактот од ванила и продолжете со мешање уште минута до две. Додадете го брашното и мешајте додека сите состојки не се соединат.
Полека почнете да го додавате млекото и мешајте додека да се измеша убаво. Измешајте ги со миксер белките, да добијат пенлива текстура, но не претерувајте. Потоа додадете ги полека во смесата и измешајте убаво.
Ставете го тестото во еден сад и печете од 50-70 минути, односно додека врвот на тортата не добие златна боја.
Откако тортата ќе се испече оставете ја неколку часа во фрижидер да олади. Потоа декорирајте ја со шеќер во прав, доколку ја правевте стандардната варијанта, а ако сте ја правеле онаа чоколадната декорирајте со овошје и чоколадо.