Праските се вкусни и здрави, но во нивната свежа варијанта можеме да уживаме само за време на летните месеци. Како што надоаѓа есента, така и праските нема да бидат повеќе достапни за јадење.
Затоа Ви претставуваме здраво и вкусно смути од праски за збогување со летото.
Потребни состојки:
- 150 мл јогурт
- 3-4 свежи праски
- 100 грама мраз
- 180 мл. млеко
- ¼ лажичка цимет
- Шеќер по желба
Начин на подготовка:
Во блендер ставете го мразот, праските, јогуртот, млекото и блендајте додека не добиете смеса што изгледа на смути. На крај додадете го шеќерот и циметот и повторно блендајте додека не се растопат и соединат во смесата.
Сервирајте веднаш во високи чаши.