Нема некој кој не ужива во топлиот ајвар во комбинација со сирење, а доколку ви досади да го консумирате само намачкан на леб, тогаш направете ги овие вкусни погачки.
Потребни состојки:
- 4-5 лажици ајвар
- 250гр путер
- 350гр брашно
- 250гр свежо сирење
- 1 печиво
- 1-2 лажички сол
- 2 јајца
Начин на подготовка:
Во голем сад ставете ги сите состојки, а по потреба може да додадете уште брашно. Тестото треба да биде мазно, но по малку лепливо, бидејќи путерот на топлина се растопува.
Ставете го тестото да отстои во фрижидер околу половина час, а во меѓувреме загрејте ја рерната на 200°С. Откако тестото ќе се олади развлечете го на дебелина од 1см на површина на која пред тоа сте ставиле малку брашно.
Со чаша „сечете“ облици во вид на топчиња, а потоа ставете ги топчињата на масна хартија за печење. Доколку сакате, може да ги намачкате одозгора со ајвар или пак да ставете уште малку рендано сирење.
Печете ги во рерна околу 15-20 минути, додека не поруменат.