Ореви, јаболка, цимет, суво грозје....
Добитна комбинација на вкусови, која верувамe дека ќе стане Вашиот хит за оваа есен.
Потребни состојки:
- 500 гр. кори за баклава
- 4 големи јаболка (излупени и исечкани на коцки)
- Сок од 1 лимон
- 100 гр. суво грозје
- 70 гр. сечкани ореви
- 2 лажички цимет
- 2 лажици мед
- 1 лажичка рум
- 200 гр растопен путер
За премачкување
Глазура
- 50 гр. шеќер во прав
- 3 лажици вода или сок од лимон
Начин на подготовка:
Во длабок сад ставете ги јаболката, сокот од 1 лимон, сувото грозје, сечканите ореви, циметот, румот, и медот. Убаво промешајте ги така што сите вкусови да се соединат.
Корите пресечете ги вертикално за да добиете 4 ленти.
Земете две кори и премачкајте ги со растопен путер,на крајот ставете од филот и виткајте ги во триаголници. Премачкајте со една жолчка и две лажици млеко измешани заедно и печете на 180 степени околу 20-тина минути.
За белата глазура промешајте ги сокот од лимон и шеќерот во прав заедно и прелијте одозгора врз триаголниците.
Добар апетит и забавно готвење!
Повеќе рецепти од кујната на Давор пронајдете на неговата FB страна Dave’s Kitchen.