Дали по ручекот често се чувствувате поспано?
Ако одговорот е да, не сте единствени. Тоа зависи од храната која ја јадете и како вашето тело реагира на одреден вид на храна.
Најдобро е да ручате околу 12 или 13 часот, бидејќи колку повеќе го одложувате оброкот толку ќе бидете погладни и ќе имате поголема желба за храна полна со шеќери и масти како што е пржената храна.
Идеалниот ручек би требало да содржи витамини, минерали, здрави масти, јаглехидрати и протеини.Затоа добар избор на ручек може да биде сендвич со пилешко месо, јајца, сирење или печено говедско месо или пак риба (скуша, лосос, сардина), супа, грав.
Но прашањето е кои три производи би требало да ги избегнуваме за ручек бидејќи предизвикуваат пад на енергијата?
Пржени компирчиња
Помфритот се пржи во многу масло и тој е јаглехидрат кој треба да го избегнуваме бидејќи го зголемува шеќерот во крвта. Ако пак одлучите да го јадете ќе доживеете пад на енергијата и ќе бидете поспани.
Кравјо млеко
Иако кравјото млеко може да биде дел од избалансираната исхрана, исто така има негативно влијание на енергијата на телото. Тешко се вари, па поголемиот дел од крвта оди во цревата додека останатиот дел од телото мора да работи со намален проток на крв.
Путер од кикирики
Кога јадете сендвич со путер од кикирики, веројатно ќе почувствувате поспаност. Виновник за тоа е аминокиселината триптофан, која се наоѓа во путерот кој е особено популарен во САД. Ова не значи дека треба да го исфрлите од исхраната напротив треба да го комбинирате со “супер“ храната која дава енергија како што се житарките, чија семето, овошјето и другите здрави производи.