Меленото месо е дел од секојдневните јадења кои ги подготвуваме во својата кујна. Тоа е едно од најзастапените видови на месо во македонските традиционални јадења, но иако го подготвуваме толку често, знаеме некаде да погрешиме и месото да не е така вкусно. Каде грешиме?
Не го замрзнувајте во оригиналното пакување
Пакувањето од продавница е претенко за да се заштити меленото месо од екстремно ниските температури. Наместо тоа, ставете го во восочна хартија или алуминиумска фолија, па потоа во дебело пластично кесе и оставете го во ладилникот.
Не го одмрзнувајте во микробранова печка
Микробрановата печка ќе почне да го готви површинскиот слој на меленото месо, а со тоа и да го зацврсти, пред да се одмрзне до крај. Немојте да ги фрлате парите на тој начин, туку одмрзнете го месото на природен начин.
Не ставајте го месото во ладна тава
Максималниот вкус и карамелизација на месото ќе ја постигнете ако одмрзнатото месо го ставите во врела тава во која сте ставиле лажица масло или путер. Не го ставајте во ладна тава бидејќи ќе се залепи за дното и ќе добиете сива боја која на никој нема да му биде привлечна.
Исцедете го од вишокот вода
Меленото месо за време на пржењето испушта вода, која испарува при долготрајна термичка обработка. Немојте да се плашите да ја исцедите водата за време на готвењето, особено ако следите некој рецепт и се грижите колку течност треба да додадете за одредено јадење.
Немојте да го миете меленото месо пред готвењето
Ако парчињата свинско и пилешко месо ги миете пред да ги приготвувате, меленото месо не треба да го миете, затоа што тоа не ги отстранува бактериите од површината.