Сите имаме денови кога ни се јаде нешто, но не знаеме точно што.
Во тој миг изгледа дека секоја комбинација што ќе ни ја понудат не е доволно добра.
Затоа за овој викенд се потрудивме да ви препорачаме рецепт што содржи сè што треба.
Потребни состојки:
- 500 грама шпагети
- 500 грама пилешки гради сечени на листови
- 2 лажички зачин за пилешко месо
- 1 лажичка лук во прав
- Сол и бибер по вкус
- ¼ чаша маслиново масло
- 2 лажици мелен лук
- 2 лажици сечкан кромид
- 3 домати ситно сечкани
- 2 лажици балсамико оцет
- ½ чаша пармезан
- 2 лажици ситно сечкан босилок или магдонос
Начин на подготовка:
Ставете ги шпагетите да се варат и кога ќе бидат готови ставете ги во сад. Во меѓувреме измешајте ги зачинот за пилешко, лукот во прав, солта и биберот во едно и потоа со овој микс од зачини убаво зачинете го месото. Во тава на оган ставете малку маслиново масло и убаво испржете го месото од двете страни. Кога ќе биде готово тргнете го на страна.
Во истата тава повторно додадете маслиново, па запржете ги лукот и кромидот. Доволно е само малку колку да фатат боја. Тргнете ја тавата од огнот и во тавата додадете го сечканиот домат.
Потоа додадете ги и шпагетите, сечканото пилешко месо, балсамико оцетот, сечканиот босилек и пармезанот.
Ставете сол и бибер по потреба.