За оваа недела Давор ни приготви супер вкусна чоколадна торта која има убава презентација токму за овој период од годината.
Потребни состојки:
- 370 гр. брашно
- 300 гр. шеќер
- 1 1/2 лажица екстракт од ванила
- 90 гр. какао
- 2 лажички сода бикарбона
- 200 гр. путер на собна температура (или маргарин)
- 1 шолја млеко на собна температура
- 3 јајца
- 1 шолја жешко сварено инстант кафе
Начин на подготовка:
Сите состојки се ставаат заедно во еден сад и се мешаат со жица за матење. Се пече во подмачкано тавче на 160 степени околу 1 час.
За чоколадната глазура:
100 гр. чоколадо
100мл. млеко
1 лажица екстракт од ванила
Неколку сечкани ф'стаци
Неколку зрна калинка
Растопете го чоколадото, додадете го млекото и ванилата, оставете да се олади околу 1 час во ладилник и полејте низ целата торта. Декорирајте со исечкани ф'стаци и зрна од калинка.
Повеќе рецепти од кујната на Давор пронајдете на неговата FB страна Dave’s Kitchen.