Празниците се одлична можност за да приготвите вкусни колачиња и гранола во украсни тегли. Освен тоа што вашата трпеза ќе изгледа фантастично, можете и да ги подарите на најблиските како интересен новогодишен и божиќен подарок.
Гранола
Потребни состојки:
- 250 гр. овес
- Јатки по вкус жоколу 100 гр.
- 100 гр. суво овошје
- 1 лажица екстракт од ванила
- 2-3 лажици мед сок од половина лимон
Начин на подготовка:
Сите состојки се соединуваат и се печат на загреана рерна од 150 степени околу 10-15 минути.
Путер колачиња
Потребни состојки:
370 гр. брашно
250 гр. путер исецкан на коцки
1 жолчка
1 лажичка екстракт од ванила
140 гр. шеќер во прав
Глазура:
- 300 - 400гр. шеќер во прав
- 1 белка
Начин на подготовка:
Во длабок сад со помош на дрвена лажица промешајте ги заедно брашното, путерот, жолчката, екстрактот од ванила и шеќерот во прав.
Смесата продолжете да ја месите со раце додека не формирате тврдо бисквитно тесто. Поделете го на два дела и спакувано во хартија за свежа храна оставете да одмори околу 20-30 минути во ладилник. Потоа расукајте кора дебела 0,5цм и со помош на калап за колачиња во форма на ѕвезда формирајте ги колачињата. Печете во загреана рерна на 190 степени околу 10-12 минути. Оставете комплетно да се изладат.
За глазурата измешајте ги двете состојки и по потреба додадете неколку капки вода или пак шеќер во прав. Треба да добиете конзистенција на лава. Декорирајте ги елките. Добар апетит и забавно готвење!
Повеќе рецепти од кујната на Давор пронајдете на неговата FB страна Dave’s Kitchen.
