Со оглед на тоа дека периодот околу нова година готвевме, бидејќи ни доаѓаа гости, време е да се одмориме. Но, што да правиме со Божиќ? И тогаш ќе ни дојдат повторно гости, а нас ни е преку глава со часови да се затвораме во кујна.
Токму затоа, ви предлагаме да направите мошне брза, лесна, едноставна торта, која е превкусна и не се пече. Сè што ви треба е путер, чоколадо, еурокрем, слатка хопла, бисквити и лешници.
Најпрво, искршете ги бисквитите и исечкајте ги лешниците, а потоа измешајте ги. Во длабок сад, ставете чоколадо, еурокрем, хопла и путер и оваа смеса ставете ја во микровална печка да се растопи или пак растопете ја на тивок оган. Потоа истурете го чоколадниот фил во садот со бисквитите, убаво измешајте и ставете ја тортата два часа да постои во фрижидер да зацврсти убаво.
Додека се зацврстува, растопете чоколадо, со кое ќе може да ја украсите.