Овој лесен и вкусен рецепт е како совршен за сите оние ситуации кога немате многу време за приготвување на храна, а гостите веќе се на вратата.
Потребни состојки:
- 2 парчиња пилешки стек
- 150 мл кисела павлака
- 1 лажица кари
- 200 гр. печурки
- Сол и мелен црн бибер по вкус
- 500 гр лиснато тесто
- 1 јајце за премачкување
Начин на подготовка:
Во тава испржете ги на масло печурките и пилешкиот стек исечкан на коцки или цели парчиња. Оставете на страна да се излади. Додадете ја павлаката, карито, сол и бибер по вкус.
По вкус додадете и кора од лимон. Расукајте го лиснатото тесто пресечете го вертикално на 3 дела и секој дел филувајте го со смесата така што ќе го филувате на долната страна, а со горната ќе го поклопите филот. Краевите притиснете ги со помош на виљушка. Премачкајте со јајце. Печете на 180 степени 25 до 30 минути.
Повеќе рецепти од кујната на Давор пронајдете на неговата FB страна Dave’s Kitchen.