Каде и да си, за Бадник дома да си!
Ова е вечер кога се прави богата посна трпеза и семејството се собира на заедничка вечера. Дел од обичајот е и да се замеси погача со паричка, па се верува дека оној што ќе ја добие паричката ќе го следи среќа во текот на целата година.
Од многуте трпези кои што се приготвуваат вечерва, ви ја прикажуваме онаа на Dave’s Kitchen.
Давор се погрижи и овој пат тој и неговото семејство да го поминат Бадник со сите нишани, приготвувајќи вкусна погача, топло гравче, пита со зелка, макало, посна сарма, посен колач со мак...Сè што треба за да се одбележи вечерта во убава домашна и хармонична атмосфера.
Тој ја сподели својата трпеза со нас, а ние ве поттикнуваме и вие да го направите истото.