Dave’s Kitchen: Домашно шеќер паре

Шеќер паре направено во домашни услови. Повкусни од купечките и готови за кратко време!

Потребни состојки:

• 350 гр. брашно
• 50 гр. шеќер во прав
• 150 гр. путер
• 1 пакетче прашок за печиво
• 70 гр. гриз
• 3 јајца
• 1 пакетче ванилин шеќер

Шербет:

• 500гр. шеќер
• 500мл. вода
• сок од 1 лимон
• 1 пакетче ванилин шеќер (или 1 лажичка екстракт од ванила)

Начин на подготовка:

Замесете тесто од сите овие состојки. Доколку тестото е премногу меко додадете уште малку брашно или гриз по потреба за да добиете убаво и мазно тесто.

Оставете го тестото да одмори околу 20 минути во длабок сад покриен со кујнска крпа.

Потоа поделете го тестото на мали топчиња кои ќе ги оформите со помош на раце. Редете ги во тавче премачкано со путер со оддалеченост од неколку сантиметри.

Загрејте ја рерната на 180 степени и печете ги околу 20-тина минути. Оставете ги комплетно да се изладат, а потоа посипете го врелиот шербет.

Водата и шеќерот ставете ги на оган да зовријат. Смесата оставете ја 5 минути да врие, а потоа на крај пред да го тргнете тенџерето од оган ставете го сокот од 1 лимон. Врелиот шербет посипете го врз ладното шеќер паре. Покријте со алуминиумска фолија и оставете да го впие шербетот минимум 1 час.

Повеќе рецепти од кујната на Давор пронајдете на неговата FB страна Dave’s Kitchen.